Իրակլի Կոբախիձե - Շնորհավորում եմ Բիձինա Իվանիշվիլիին ծննդյան օրվա առթիվ, այն, որ Վրաստանն այսօր ունի խաղաղություն, ժողովրդավարություն, տնտեսական առաջընթաց և թեկնածուի կարգավիճակ, առաջին հերթին Բիձինա Իվանիշվիլիի շնորհիվ է
Այն, որ Վրաստանն այսօր ունի խաղաղություն, ժողովրդավարություն, տնտեսական առաջընթաց և թեկնածուի կարգավիճակ, առաջին հերթին Բիձինա Իվանիշվիլիի շնորհիվ է,- այս մասին սոցցանցում գրում է Վրաստանի վարչապետ Իրակլի Կոբախիձեն։
Իրակլի Կոբախիձեն շնորհավորում է «Վրացական երազանքի» հիմնադիր և պատվավոր նախագահ Բիձինա Իվանիշվիլիին՝ ծննդյան օրվա առթիվ։
«Տարիներ շարունակ Բիձինա Իվանիշվիլին աննախադեպ բարեգործությամբ հոգացել է վրացական մշակույթի և ինքնության պահպանման մասին, իսկ 2012 թվականին աննախադեպ քաղաքական բարեգործություն է իրականացրել և ամենամեծ ռիսկի գնով հակաեվրոպական ավտորիտարիզմը փոխարինել է ժողովրդավարական կառավարմամբ։
Բիձինա Իվանիշվիլին Վրաստանի հայրենասեր է և քաղաքականության գրոսմայստեր։ Բազմիցս նշվել է և պետք է նորից ասել. այն, որ այսօր Վրաստանը ունի խաղաղություն, ժողովրդավարություն, տնտեսական առաջընթաց, և երկիրը ստացել է ԵՄ անդամության թեկնածուի կարգավիճակ, առաջին հերթին Բիձինա Իվանիշվիլիի վաստակն է։
Պարոն Բիձինա Իվանիշվիլիին մաղթում եմ երկարակեցություն, առողջություն, ամենայն բարիք՝ իր հարգարժան ընտանիքի հետ միասին»,- գրել է Իրակլի Կոբախիձեն սոցցանցում։
