«Այս 12 տարիների ընթացքում ոչ մի օր հեշտ չեղավ, բայց վերջին չորս տարին հատկապես դժվար էր, մենք ստիպված էինք անցնել բազմաթիվ դժվարությունների միջով, չէինք կարող հասնել որևէ հաջողության, եթե չլիներ վրաց ժողովրդի կողքին՝ կառավարության հետ միասին ընտրել են»,- այս մասին ասել է «Վրացական երազանք»-ի ղեկավար Իրակլի Կոբախիձեն:

Կոբախիձեն շնորհակալություն է հայտնել ընտրողներին ակտիվության համար։

«Շնորհակալություն վրաց ժողովրդին, փորձառու ու իմաստուն մարդկանց։ Շնորհակալություն միասնության համար: Այս հաղթանակի գլխավոր հեղինակը վրաց ժողովուրդն է։ Մեր ավելի քան մեկ միլիոն համաքաղաքացիներ եկել են ընտրատեղամասեր և աջակցել խաղաղությանը, մեր երկրի իսկապես պայծառ ու եվրոպական ապագային»,- ասել է Կոբախիձեն։

«Իմեդի» հեռուստաընկերության պատվերով «Գորբի» էքզիթ-փոլի տվյալների համաձայն՝ (ժամը 18:00-ի դրությամբ) խորհրդարանական ընտրություններում կուսակցությունների վարկանիշները բաշխվել են հետևյալ կերպ. «Վրացական երազանք-Ժողովրդավարական Վրաստան»՝ 56,1%։ «Միասնություն՝ ազգային շարժում»՝ 11,6 տոկոս «Հզոր Վրաստան՝ լելո, հանուն ժողովրդի, հանուն ազատության»՝ 7,0 տոկոս «Փոփոխությունների կոալիցիան Գվարամիա, Մելիա, Գիրչին է, ժամանակն է»՝ 12,6 տոկոս, «Գախարիա՝ հանուն Վրաստանի »՝ 4,8%։