Մեղավորը ոչ թե Պետդեպարտամենտն է, այլ օլիգարխիկ ուժերը, որոնք սկզբունքային ազդեցություն ունեն Ամերիկայի Միացյալ Նահանգների պաշտոնական ինստիտուտների վրա,- այս մասին խոսելով ԱՄՆ պատժամիջոցների վերաբերյալ, հայտարարել է Վրաստանի վարչապետ Իրակլի Կոբախիձեն։

Ինչպես նշել է կառավարության ղեկավարը, պատժամիջոցների և վիզային սահմանափակումների մասին հայտարարությունը պաշտոնապես տարածվել է ԱՄՆ Պետդեպարտամենտի անունից, հետևաբար վրացական կողմը պետք է պատասխան տա Պետդեպարտամենտին։

«Մենք մեր ենթադրություններից ավելին ունենք, թե ինչ ազդեցությունների արդյունք են այս հայտարարությունները, բայց փաստն այն է, որ ֆորմալ առումով այս հայտարարությունն արվել է ԱՄՆ Պետդեպարտամենտի կողմից, ինչը շատ ցավալի է մեզ համար, քանի որ մենք պետք է պատասխան տանք Պետքարտուղարությանը։ Այստեղ մենք ասում ենք, որ այստեղ մեղավորը ոչ թե Պետդեպարտամենտն է, այլ օլիգարխիկ ուժերը, որոնք սկզբունքային ազդեցություն ունեն Ամերիկայի Միացյալ Նահանգների պաշտոնական կառույցների վրա։ Ըստ այդմ՝ մեղադրում ենք ոչ թե ԱՄՆ-ին, այլ օլիգարխիկ ազդեցություններին, որոնց զոհը, ցավոք, կոնկրետ ինստիտուտներում արդարադատությունն է»,- ասաց վարչապետը։