Պատերազմի սկսվելուն պես բազմաթիվ դեսպաններ, այդ թվում՝ Ուկրաինայի ռազմավարական գործընկեր երկրների դեսպանները, հեռացան Կիևից, մեր դեսպանն այն հազվագյուտներից էր, ով մնաց Կիևում և ամեն ինչ արեց Ուկրաինայի շահերը հնարավորինս պաշտպանելու համար։ Այս մասին լրագրողներին ասել է «Վրացական երազանք» կուսակցության նախագահ Իրակլի Կոբախիձեն։

Կոբախիձեի խոսքով, դեսպանն առաջին իսկ օրերից ներգրավված է եղել ամեն ինչում թե՛ մարդասիրական, թե՛ քաղաքական աջակցության առումով։

«Խորհրդակցությունները ձեւական բնույթ են կրում։ Փաստորեն, պարզվեց, որ կա դեսպան, որը Կիևում է մնում պատերազմի սկզբից։ Շատ դեսպաններ, այդ թվում՝ Ուկրաինայի ռազմավարական գործընկեր երկրների դեսպանները, լքեցին Կիևը պատերազմի սկսվելուն պես: Ուկրաինայում մեր դեսպանն այն հազվագյուտներից էր, ով պատերազմի առաջին իսկ օրերից մնաց Կիևում և ամեն ինչ արեց, որ Ուկրաինայի շահերը հնարավորինս հետապնդվեն մեր կողմից՝ լինի դա հումանիտար, քաղաքական աջակցություն, թե այլն։ Դեսպանն առաջին իսկ օրերից ամեն ինչի մեջ էր, նա չլքեց Կիևը, չնայած այն բանին, որ ռուսական ռազմական ագրեսիա կար անմիջապես Կիևի վրա։ Երբ այս ֆոնին Ուկրաինայի կառավարությունը նման որոշում է կայացնում, դա անընդունելի է և վիրավորական»,- ասել է Իրակլի Կոբախիձեն։