Սա կանխամտածված, այլատյաց արշավ է, որը բացարձակապես խայտառակ է։ Դա չի տեղավորվում ոչ մի նորմի, ոչ մի ստանդարտի մեջ։ Եթե ​​ինչ-որ մեկն ուզում է եվրոպացի լինել, չի կարողանա դա ապացուցել այլատյացությամբ,- լրագրողների հարցին ի պատասխան ասաց «Վրացական երազանք» կուսակցության նախագահ Իրակլի Կոբախիձեն, որը վերաբերում էր Ռուսաստանի հետ վիզային ռեժիմ սահմանելու «Լելո»-ի նախաձեռնությանը:

Կոբախիձեի խոսքով՝ Վրաստանում այլատյացության համար տեղ չկա:

Ինչ վերաբերում է զբոսաշրջությանը, Կոբախիձեն պարզաբանում է, որ զբոսաշրջությունը տնտեսության հիմնական ուղղություններից մեկն է, և այս առումով «ֆեյքերը» շատ են։

«Օրինակ, հեռուստաընկերություններից մեկը հայտարարեց, որ այսօր Վրաստանում ռուս զբոսաշրջիկների թիվը կազմում է Վրաստանի բնակչության 10 տոկոսը, ինչը կատարյալ սուտ է։ Իրականում մեկ տոկոս էլ չի լինի։ Ընդհանուր առմամբ Վրաստան մուտք գործած և հեռացած 242 հազար մարդ կա։ Սա այլատյաց արշավ է, որը հիմնված է ամբողջությամբ ստի վրա։ Հիշեցնենք, որ օգոստոսյան պատերազմից հետո նախկին իշխանությունը ՌԴ քաղաքացիների համար սահմանեց առանց վիզայի ռեժիմ, իսկ այսօր նույն մարդիկ մեզ կոչ են անում այստեղ սահմանափակումներ, պատժամիջոցներ եւ այլն մտցնել։ Դա այլատյացություն է, և, իհարկե, մենք խիստ արձագանք կունենանք այս այլատյացությանը»,- ասել է Իրակլի Կոբախիձեն։

«Լելո» կուսակցությունը պահանջում է Ռուսաստանի հետ վիզային ռեժիմի կոնկրետ կանոններ մտցնել եւ այլ սահմանափակումներ կիրառել։