Այն շահարկումները, որ մենք լսում ենք Նուգզար Փուտկարաձեի մահվան մասին կոնկրետ կուսակցության ներկայացուցիչներից, անընդունելի են,- Բաթումում լրագրողներին ասել է «Վրացական երազանք» կուսակցության նախագահ Իրակլի Կոբախիձեն։

Ինչպես նշել է Իրակլի Կոբախիձեն, Վրաստանը ժողովրդավարական երկիր է, և եթե որևէ մեկը ցանկանում է բողոքել, կարող է։

«Ինչ վերաբերում է շահարկումներին, որ մենք լսում ենք կոնկրետ կուսակցության ներկայացուցիչներից այս բարդ թեմայով, դա անընդունելի է։ Այդպես չպետք է լինի, երբ խոսքը պարկեշտ քաղաքական իշխանության մասին է, բայց նրանք արժանապատվության խնդիր ունեն։ Այն ամենը, ինչ պետք է հետաքննվի, պետք է հետաքննվի, սակայն շահարկումներն անընդունելի են, հատկապես՝ նման բարդ թեմայի վերաբերյալ»,- ասել է Իրակլի Կոբախիձեն։

Հարցին, թե կհանդիպի՞ հանգուցյալ Նուգզար Փուտկարաձեի քրոջը, Կոբախիձեն ասել է. «Եվս մեկ անգամ կկրկնեմ, երբ լուրջ թեմայի շուրջ շահարկումներ են, դա ինքնին անընդունելի է, և բնականաբար, մեր կոնկրետ գործողությունները համապատասխանաբար կորոշվեն»։