Նրանք, ովքեր խոսեցին Մայդանի մասին, այդ մարդիկ Ուկրաինայի և Վրաստանի տարածքների 20 տոկոսը հանձնեցին Ռուսաստանին, փոխարենը պատասխանատվություն ստանձնեն, Վրաստանին սպառնում են Մայդանով»,- ասել է Վրաստանի վարչապետ Իրակլի Կոբախիձեն։

Վարչապետի խոսքով՝ կոնկրետ մարդիկ պատերազմի համար զոհաբերել են տասնյակ հազարավոր ուկրաինացիների։

«Նույն մարդիկ, ովքեր խոսեցին Մայդանի մասին, Ուկրաինայի տարածքների 20 տոկոսը հանձնեցին Ռուսաստանի Դաշնությանը, նույն մարդիկ՝ Վրաստանի տարածքների 20 տոկոսը Ռուսաստանի Դաշնությանը։ Որոշ մարդիկ Ուկրաինայի տարածքի 20 տոկոսը հանձնեցին Ռուսաստանի Դաշնությանը, որոշ մարդիկ տասնյակ հազարավոր ուկրաինացիների զոհաբերեցին պատերազմին, և այս ամենի արդյունքը դարձավ Մայդանը։ Փոխանակ այդ մարդիկ պատասխանատվություն ստանձնեն, այսօր Վրաստանին սպառնում են Մայդանով, և դա վրդովեցուցիչ է»,- ասել է Կոբախիձեն։

Վրաստանում ԱՄՆ նախկին դեսպան Ուիլյամ Քորթնին Կոնգրեսում Վրաստանի վերաբերյալ լսումների ժամանակ ասել է. «Եթե համեմատենք Ուկրաինան և Վրաստանը, նրանք երկար ժամանակ զուգահեռ ճանապարհ են ունեցել դեպի Եվրամիություն, դեպի արևմտամետ ապագա։ Նրանց խնդիրը կեղծված ընտրություններն էին կամ առաջնորդները, ովքեր ցանկանում էին հետ տանել ժամանակը։ Այսպես եղան ժողովրդական հեղափոխությունները: Սկզբում եղավ «վարդերի հեղափոխությունը» Վրաստանում, հետո մոտ մեկ տարի անց՝ Ուկրաինայում՝ «նարնջագույն հեղափոխությունը», հետո՝ 2014 թվականին երկրորդ հեղափոխությունը Ուկրաինայում՝ Մայդանը»։