Մենք խոսեցինք բոլոր ուղղություններով մեր երկրների հարաբերությունների զարգացման մասին՝ լինի դա քաղաքական, տնտեսական համագործակցություն, համագործակցություն մշակույթի, կրթության, թե այլ ոլորտներում։ Այս բոլոր ոլորտները մեզ համար հավասարապես առաջնահերթ են,- ասել է Վրաստանի վարչապետ Իրակլի Կոբախիձեն Հայաստանի վարչապետ Նիկոլ Փաշինյանի հետ համատեղ ճեպազրույցում։

Ինչպես նշել է կառավարության ղեկավարը, հանդիպմանը շնորհակալություն է հայտնել Նիկոլ Փաշինյանին՝ երկրի ինքնիշխանությանն ու տարածքային ամբողջականությանը աջակցելու համար։

«Հանդիպմանը ես շնորհակալություն հայտնեցի իմ գործընկերոջը մեր երկրի ինքնիշխանությանն ու տարածքային ամբողջականությանը աջակցելու համար։ Ես կցանկանայի ընդգծել մեր հարաբերությունների շատ բարձր դինամիկան։ Բարձր մակարդակի այցելությունները շատ հաճախ են լինում, և մենք լիովին պատրաստ ենք պահպանել այս դինամիկան: Այսօր մենք խոսեցինք բոլոր ուղղություններով մեր երկրների հարաբերությունների զարգացման մասին՝ լինի դա քաղաքական, տնտեսական համագործակցություն, թե համագործակցություն մշակույթի, կրթության, թե այլ ոլորտներում։ Այս բոլոր ոլորտները մեզ համար հավասարապես առաջնային են»,- ասել է Իրակլի Կոբախիձեն։