«Վրացական երազանքի» նախագահ Իրակլի Կոբախիձեի կարծիքով՝ Միխեիլ Սաակաշվիլիի կադրերի տարածման հարցով իրավական առումով ամեն ինչ ճիշտ էր։

Կոբախիձեի խոսքով՝ հասարակությունը պահանջել է հրապարակել կադրերը։

«Նախ բոլոր հարցերի պատասխանները կտրվեն համապատասխան գերատեսչությունների կողմից։ Ինչ վերաբերում է հասարակական-քաղաքական կողմին, հիշու՞մ եք, որ «Ազգային շարժման» և նրա հեռուստատեսությունների կողմից անընդհատ պահանջ կար՝ հրապարակայնացնել այս տեղեկատվությունը, այդ պահանջները հնչեցին տարբեր ձևերով, և ի վերջո, հասարակության հետ տեղեկատվության փոխանակման պատասխանատու գերատեսչությունները ստիպված եղան կիսվել այս տեղեկատվությամբ: Իհարկե, այս համատեքստը պետք է հաշվի առնել, հետևաբար, կարծում եմ, որ այստեղ ամեն ինչ օրինական է եղել»,- ասել է Կոբախիձեն։

Պետական ​​տեսուչն ավարտել է Հատուկ քրեակատարողական ծառայության և արդարադատության նախարարության կողմից Վրաստանի երրորդ նախագահ Միխեիլ Սաակաշվիլիի անձնական տվյալների ձեռքբերման և բացահայտման օրինականության վերաբերյալ ուսումնասիրությունը։ Պետական ​​տեսուչի որոշմամբ՝ Վրաստանի արդարադատության նախարարությանը և Հատուկ քրեակատարողական ծառայությանը վարչական պատասխանատվության են ենթարկվել «Անձնական տվյալների պաշտպանության մասին» Վրաստանի օրենքի 44-րդ հոդվածով նախատեսված վարչական իրավախախտման մի քանի դրվագների համար։