Իրակլի Կոբախիձե. Միխեիլ Սաակաշվիլիի իրավիճակի մասին խոսելիս, դա մի տեսակ դրական խտրականություն է, մի մարդ, որը պետք է բանտում լինի, գտնվում է երկու սենյականոց հիվանդասենյակում
Ինչ վերաբերում է Միխեիլ Սաակաշվիլիի իրավիճակին, ապա դա մի տեսակ խտրական իրավիճակ է, քանի որ նա արտոնյալ է մյուս բանտարկյալների համեմատ,- ասաց «Վրացական երազանք»-ի նախագահ Իրակլի Կոբախիձեն՝ ի պատասխան Միխեիլ Սաակաշվիլիի մասին հարցին։
Ինչպես նշել է Իրակլի Կոբախիձեն, Միխեիլ Սաակաշվիլին այն համակարգի ստեղծողն է, որն անմիջականորեն առնչվում էր բանտերում մարդկանց խոշտանգումների հետ։
«Օրենքով, այդ մարդը հավանաբար պետք է անազատության մեջ լինի, բայց կան տարբեր գործոններ, որոնց պատճառով պատկան մարմինները որոշում են կայացնում նրան արտոնյալ վիճակում թողնելու մասին։ Սա իր օբյեկտիվ պատճառներն ու հիմքերն ունի։ Եթե խոսում ենք խտրականության մասին, դա մի տեսակ դրական խտրականություն է։ Մարդը, որը պետք է բանտում լինի, իրականում գտնվում է կլինիկայի երկու սենյականոց հիվանդասենյակում: Մենք հաճախ ենք շահարկումներ լսում այս թեմայի շուրջ, և այստեղ պետք է հիշել, որ Միխեիլ Սահակաշվիլին այն համակարգի ստեղծողն է, որն անմիջականորեն առնչվում էր բանտերում մարդկանց խոշտանգումների, անմարդկային վերաբերմունքի հետ, և նման անձը ներկայումս գտնվում է երկու սենյականոց հիվանդասենյակում, ինչը վկայում է այն ընդհանուր առաջընթացի մասին, որն ունեցել է մեր երկիրը ժողովրդավարության զարգացման և մարդու իրավունքների ուղղությամբ», – ասել է Իրակլի Կոբախիձեն։