Մեծամասնական ընտրակարգի վերացման պայմաններում, իհարկե, կան դժվարություններ, այնուամենայնիվ, պատվիրակի ինստիտուտը թույլ կտա մեզ դիմակայել թերություններին»,- ասել է Վրաստանի վարչապետ Իրակլի Կոբախիձեն։

Ըստ Կոբախիձեի, պատվիրակները քաղաքական պատասխանատվություն են կրելու քարոզարշավի անցկացման համար՝ յուրաքանչյուրը համապատասխան տարածաշրջանում, իսկ ընտրվելուց հետո պատասխանատու են լինելու նաև ընտրողների հետ հնարավորինս սերտ հարաբերություններ ունենալու համար։

«Նպատակը մեր թեկնածուների եւ ընտրողների միջեւ հնարավորինս սերտ շփում ունենալն է։ Հետագայում, երբ կընտրվի խորհրդարանը, կարեւոր է, որ պատգամավորները սերտ կապ ունենան ընտրողների հետ։ Մեծամասնականի վերացման պայմաններում, իհարկե, այս առումով, այսպես ասած, դժվարություններ կան, թեեւ պատվիրակի ինստիտուտը մեզ թույլ կտա ինչ-որ կերպ դիմակայել այդ թերություններին։ Մասնավորապես, կլինեն պատվիրակներ, ովքեր ուղղակիորեն քարոզչություն են իրականացնելու տեղերում, նրանք քաղաքական պատասխանատվություն են կրելու յուրաքանչյուր մարզում քարոզարշավն իրականացնելու համար։ Հետո արդեն, երբ նրանք ընտրվեն Վրաստանի խորհրդարանում, նրանք նույնպես պատասխանատվություն են կրելու ընտրողների հետ հնարավորինս սերտ հարաբերություններ և կապ ունենալու համար։ Այսինքն՝ դա չի լինի մեծամասնական ինստիտուտի լիարժեք փոխարինում, թեև որոշ չափով կվերացնի այն թերությունները, որոնք կապված են մեծամասնական ինստիտուտների վերացման հետ»,- նշել է Կոբախիձեն։