«Մեր տղաներն իսկապես արժանի են նման մասշտաբային, շատ արժանապատիվ ընդունելության, քանի որ մենք ունենք ամենաարժանապատիվ ֆուտբոլիստները»,- Ազատության հրապարակում, որտեղ տեղի է ունեցել Վրաստանի ֆուտբոլի ազգային հավաքականի հանդիսավոր ընդունելությունը լրագրողներին ասաց Վրաստանի վարչապետ Իրակլի Կոբախիձեն:

Ըստ Կոբախիձեի՝ ֆուտբոլիստներն այս ամիսներին անհավատալի ուրախություն են պարգևել վրաց ժողովրդին։

«Սկզբում կար անհավանական ակնկալիք, իսկ հետո՝ այս ակնկալիքի անհավատալի արդարացում։ Եվս մեկ անգամ շնորհակալություն յուրաքանչյուր խաղացողին, մեր ողջ թիմին: Անցնող շաբաթվա էմոցիաները ոչ մի կերպ չեն դանդաղել։ Ընդ որում, դեռ ակնկալիք կա, քանի որ սեպտեմբերին մեկնարկում է Ազգերի լիգան, հետո պետք է կատարենք աշխարհի առաջնության ընտրական փուլն ու նոր երազանքները»,- ասել է Իրակլի Կոբախիձեն։