«Մեր շահերից է բխում հնարավորինս խորացնել հարաբերությունները Ամերիկայի Միացյալ Նահանգների և Եվրամիության հետ, մեզ համար կարևոր է այս ուղղությամբ քայլեր տեսնել ինչպես ամերիկյան գործընկերների, այնպես էլ Եվրամիության ներկայացուցիչների կողմից», – այս մասին Բեռլինում լրագրողներին ասել է Վրաստանի վարչապետ Իրակլի Կոբախիձեն, որտեղ նա մասնակցում է Ուկրաինայի վերականգնմանը նվիրված համաժողովին։

Նրա խոսքով՝ պատժամիջոցները վիրավորական են երկրի, ժողովրդի համար և չեն համապատասխանում գործընկերության ոգուն։

«Նախ ուզում եմ նշել, որ պատժամիջոցները անլուրջ են, և միևնույն ժամանակ պատժամիջոցները վիրավորական են մեր երկրի և մեր երջանկության համար։ Սա չի համապատասխանի մեր գործընկերության ոգուն: Հուսով եմ, որ, ի վերջո, ամեն ինչ կվերանայվի։ Մեր շահերից է բխում հնարավորինս խորացնել հարաբերությունները Ամերիկայի Միացյալ Նահանգների հետ, իհարկե, մեր շահերից է բխում հարաբերությունների խորացումը Եվրամիության հետ։ Մեզ համար կարեւոր է տեսնել համապատասխան քայլեր այս ուղղությամբ՝ թե՛ ամերիկյան գործընկերների, թե՛ Եվրամիության ներկայացուցիչների կողմից։ Դա կլինի ճիշտ վերաբերմունք վրաց ժողովրդի և վրաց պետության նկատմամբ։ Կոչ եմ անում բոլորին պրագմատիկ քայլեր ձեռնարկել և ճիշտ և արդար վերաբերմունք ցուցաբերել մեր ժողովրդի նկատմամբ»,- ասել է Իրակլի Կոբախիձեն։