Մենք սկզբունքորեն կատարել ենք առաջնահերթությունները։ Վրաստանին թեկնածուի կարգավիճակ չտրամադրելու համար նույնիսկ արդարացում չկա,- ասուլիսում ասաց «Վրացական երազանք» կուսակցության նախագահ Իրակլի Կոբախիձեն, որտեղ զեկույց կներկայացնի հանձնարարականների կատարման վերաբերյալ։

Իրակլի Կոբախիձեի խոսքով, եթե Եվրամիության որոշումը հիմնված լինի փաստերի վրա, ապա Վրաստանը միանշանակ կստանա թեկնածուի կարգավիճակ։

«Թվերը հաճախ հեշտությամբ են շահարկվում։ Իրականում, եթե խորանանք բովանդակության մեջ, պարզ է դառնում, որ մենք սկզբունքորեն կատարել ենք հանձնարարականները։ Ըստ այդմ, անցյալ տարի մենք նույնպես պատրաստ էինք թեկնածուի կարգավիճակ ստանալ, սակայն այս դեպքում ընդհանրապես արդարացում չկա, որ Վրաստանին թեկնածուի կարգավիճակ չտրամադրեն։ Իհարկե, դեկտեմբերին կկայացվի քաղաքական որոշում, և քաղաքական որոշման ժամանակ երբեք նախապես չգիտես, թե որն է լինելու դրա բովանդակությունը, բայց եթե խոսքը փաստերի վրա հիմնված որոշման մասին է, ապա այս դեպքում, մեր կարծիքով, Վրաստանը միանշանակ կստանա թեկնածուի կարգավիճակ»,- ասել է Իրակլի Կոբախիձեն։