Ինչպես գիտեք, մենք սկսել ենք սննդամթերքի, դեղորայքի և վառելիքի նման կարևոր ոլորտներում գների խորը ուսումնասիրություն, և նմանատիպ գործընթաց ենք սկսում թունաքիմիկատների և գյուղատնտեսական քիմիական նյութերի ուղղությամբ, – այս մասին կառավարության նիստում հայտարարեց վարչապետ Իրակլի Կոբախիձեն։

Նրա խոսքով, այս հարցը հատկապես կարևոր է գյուղացիների համար, քանի որ թունաքիմիկատների գինը և մատչելիությունը անմիջականորեն ազդում են գյուղատնտեսական արտադրանքի արժեքի, գյուղացիների մրցունակության և սննդամթերքի գների վրա։

«Մեր գնահատականի համաձայն՝ Վրաստանում առկա են ինչպես թունաքիմիկատների բարձր գներ, այնպես էլ չափից շատ սպառման պրակտիկա։ Երկու ուղղություններով էլ կան լուրջ մարտահրավերներ, և շրջակա միջավայրի պաշտպանության և գյուղատնտեսության նախարարությունը, հիմնվելով ֆերմերների և ոլորտի մասնագետների հետ խորհրդակցությունների վրա, մոտ ապագայում կստեղծի արդար համակարգ։ Սա մեր նպատակն ու խնդիրն է, որը կապահովի թունաքիմիկատների մատչելի գներ բնակչության համար։ Ես կցանկանայի շնորհակալություն հայտնել շրջակա միջավայրի պաշտպանության և գյուղատնտեսության նախարարին արդեն իսկ կատարված աշխատանքի համար։ Սա շատ լուրջ, կարևոր մարտահրավեր է, և ես վստահ եմ, որ մենք այս ուղղությամբ կունենանք շոշափելի արդյունքներ», – ասաց վարչապետը։