Մենք որոշում ենք կայացրել Մերաբ Դվալիշվիլիին, ինչպես նաև Վրաստան UFC-ի չեմպիոնի առաջին տիտղոսը բերած Իլիա Թոփուրիային տալ դրամական պարգև՝ յուրաքանչյուրի համար մեկ միլիոն լարիի չափով,- այս մասին ասված է Վրաստանի վարչապետ Իրակլի Կոբախիձեի  հայտարարության մեջ։

Ըստ Կոբախիձեի՝ մարզական հաջողությունները և երկրի համար նվաճած հաղթանակը պատշաճ գնահատանքի կարիք ունեն։

«Վրացի մարզիկները աննախադեպ հաջողությունների են հասնում սպորտի տարբեր տեսակներում, որի վերջին օրինակը Մերաբ Դվալիշվիլիի կողմից UFC-ի չեմպիոնի կոչման նվաճումն էր։

Այսօր UFC-ի գործող ութ չեմպիոններից երկուսը վրացիներ են, ինչը լավագույնս ներկայացնում է վրացիների մարտական ​​ոգին: Նման արդյունք, 4 միլիոնանոց Վրաստանի հետ մեկտեղ, ունի միայն 200 միլիոն բնակչություն ունեցող Բրազիլիան, ինչը յուրաքանչյուր վրացու համար առանձնահատուկ հպարտություն է։ Իլիա Թոփուրիան և Մերաբ Դվալիշվիլին ցույց տվեցին 3000 տարի մարզված վրացի մարդու մարտական ​​բնավորությունը և այդպիսով հիշեցրեցին բոլորիս, որ որտեղ էլ արժանապատվորեն կռվենք, մեզ՝ վրացիներիս, ոչ ոք չի կարող հաղթել։

Երկրի համար մարզական հաջողություններն ու հաղթանակները պատշաճ գնահատանքի կարիք ունեն։ Ըստ այդմ՝ որոշում կայացրինք Մերաբ Դվալիշվիլիին, ինչպես նաև UFC-ի չեմպիոնի առաջին տիտղոսը Վրաստան բերած Իլիա Թոփուրիային մեկ միլիոն լարիի չափով դրամական պարգեւ տալ։

Մերաբ Դվալիշվիլիին և Իլիա Թոփուրիային մաղթում ենք նորանոր հաղթանակներ։ Հոկտեմբերի 26-ին Իլիա Թոփուրիային մաղթում ենք UFC գոտու պաշտպանություն։ 26-ը մեր օրն է, և մենք հավատում ենք, որ հոկտեմբերի 26-ին Իլիան մեզ ևս մեկ հաղթանակ կտա»,- ասված է վարչապետի հայտարարության մեջ։