Վրաստանի վարչապետ Իրակլի Կոբախիձեի գնահատմամբ, Ռուսաստանի հետ ուղիղ երկխոսության անհրաժեշտության մասին բացահայտ խոսելով՝ եվրոպական բյուրոկրատիան ցուցաբերում է կրկնակի չափանիշներ։

Լրագրողները Իրակլի Կոբախիձեին հարցրին, թե արդյոք եվրոպացի առաջնորդներն արդեն բացահայտ խոսում են Ռուսաստանի հետ երկխոսության անհրաժեշտության մասին։

«Եվրոպական բյուրոկրատիան ցուցաբերում է կրկնակի չափանիշներ։ Նրանք բացահայտ սկսել են խոսել Ռուսաստանի հետ ուղիղ երկխոսության անհրաժեշտության մասին։ Եվ նրանք դեռևս չեն վերականգնել ուղիղ երկխոսությունը Վրաստանի հետ՝ այն պատրվակով, որ «Վրաստանը ռուսամետ կամ ռուսական» կառավարություն ունեցող երկիր է։ Մենք տեսնում ենք, թե որքանով են իջել այդ չափանիշները եվրոպական բյուրոկրատիայում։ Մենք հույս ունենք, որ Ռուսաստանի հետ ուղիղ երկխոսությունը վերականգնելուց հետո նրանք կկարողանան վերականգնել նաև Վրաստանի հետ ուղիղ երկխոսությունը», – ասել է Կոբախիձեն։