Հունգարական TV2 հեռուստաալիքը պատրաստել է ռեպորտաժ Վրաստանի մասին, որի հիմնական զրուցակիցն է Վրաստանի վարչապետ Իրակլի Կոբախիձեն։

Ռեպորտաժում խոսվում է երկրի բազմադարյա պատմության մասին և նշվում է, որ Վրաստանը, ի թիվս գինու, առանձնանում է հիասքանչ բնապատկերներով, ջերմ հյուրընկալությամբ և յուրահատուկ խոհանոցով։

«Վրաստանը փոքր, սակայն անչափ բազմերանգ երկիր է։ Հյուրընկալությունն մեր գլխավոր հատկանիշներից է՝ այն, ինչ մենք սիրով ցուցադրում ենք բոլորին։ Այսօր տուրիզմը ամենաարագ զարգացող ոլորտներից է, իսկ Վրաստան այցելող զբոսաշրջիկների թիվն տարեցտարի ավելանում է», – ասել է Իրակլո Կոբախիձեն TV2-ին տված հարցազրույցում։

Ռեպորտաժում անդրադարձ է կատարվում նաև Կոբախիձեի քաղաքական կարիերային։ Նշվում է, որ Վրաստանի վարչապետը մեծ ֆուտբոլասեր է։

«Ես մեծ երկրպագու եմ և երբեք չեմ բաց թողնում Վրաստանի ազգային հավաքականի խաղերը։ Ֆուտբոլային թեմաներով ակտիվ եմ ներգրավված։ Ճիշտ է, ակումբային ֆուտբոլն այս պահին զարգացման փուլում է, բայց մեզ համար գլխավոր թիմը «Դինամո Թբիլիսի»-ն է՝ մեծ պատմություն ունեցող ակումբ։ Իհարկե, բոլորն ունեն սիրելի արտասահմանյան թիմ։ Իմը «Բարսելոնան» է՝ հատկապես սիրում եմ նրանց խաղաոճը», – նշել է Կոբախիձեն։

Ինչպես նշվում է ռեպորտաժում, Վրաստանն ընդգծվում է նաև իր բացառիկ տաղանդավոր մարդկանցով։