Մենք հաղթում ենք ընտրությունները բոլոր 20 մունիցիպալիտետներում,- ճեպազրույցում հայտարարել է «Վրացական երազանք» կուսակցության նախագահ Իրակլի Կոբախիձեն։

Միաժամանակ Իրակլի Կոբախիձեն ընտրողներին եւս մեկ անգամ կոչ է արել գնալ քվեարկության։

«Ժամը 17:00-ի տվյալներով որոշակի ռիսկեր կային, ուստի կարևոր էր պահպանել մեր աջակիցների բարձր ակտիվության միտումը։ Այս երկու ժամվա ընթացքում ակտիվությունը բարձր է եղել՝ պահպանելով նախկինում եղած տվյալները։ Ասացինք, որ «Ազգային շարժումը» մոտ է եղել 50 տոկոսի շեմին, բայց հիմա՝ ժամը 19:00-ին, պարզ է, որ նրանք այլեւս չեն կարող հաղթահարեկ այս շեմը։ Բոլոր 20 քաղաքապետարաններում էլ հաղթում ենք ընտրություններում, բայց առաջիկա կես ժամը նույնպես շատ կարևոր է։ Ուստի ևս մեկ անգամ կոչ ենք անում բոլոր ընտրողներին, ովքեր դեռ չեն ժամանել ընտրատեղամասեր, ակտիվություն ցուցաբերել, որպեսզի վերջապես բոլորի ձայնն արտացոլվի մեր ընդհանուր հաղթանակի մեջ»,- ասել է Իրակլի Կոբախիձեն։