Խաղաղությունն ու անվտանգությունը էական են մարդու իրավունքների և կայուն զարգացման ապահովման համար: «Ապագայի պայմանագիրը» կնպաստի գլոբալ խաղաղությանն ու անվտանգությանը, որը հիմնված է ՄԱԿ-ի կանոնադրության սկզբունքների վրա,- այս մասին Վրաստանի վարչապետ Իրակլի Կոբախիձեն հայտարարել է՝ ելույթ ունենալով ՄԱԿ-ի Գլխավոր ասամբլեայի 79-րդ նստաշրջանի շրջանակներում անցկացվող «Ապագայի գագաթնաժողով» նիստին, որն անց է կացվում Գերմանիայի Դաշնային Հանրապետությունում, կանցլեր Օլաֆ Շոլցի և Նամիբիայի նախագահ Նանգոլո Մբումբայի կազմակերպմամբ

Կառավարության ղեկավարի խոսքով, գագաթնաժողովը հարթակ է ստեղծել միջազգային համագործակցության ամրապնդման համար, եւ այժմ հիմնական խնդիրը լինելու է ստանձնած պարտավորությունների իրականացումը։

«Թվային պայմանագիրը կլինի բաց և ապահով թվային ապագայի նախագիծ, որտեղ տեխնոլոգիան օգտագործվում է մարդու իրավունքների պաշտպանության և համաշխարհային բարգավաճմանը ծառայելու համար: Մենք կարծում ենք, որ կարևոր է դիտարկել ապագա սերունդների տեսակետները մեր քաղաքականության շրջանակներում, որպեսզի հաշվի առնվի և ապահովվի մեր գործողությունների երկարաժամկետ ազդեցությունը: Ապագա սերունդների մասին հռչակագիրն անհրաժեշտ է, որպեսզի նրանց ձայնը լսելի լինի և նրանց շահերը պաշտպանվեն։ Այս գագաթնաժողովը հարթակ ստեղծեց միջազգային համագործակցության ամրապնդման համար։ Այժմ հիմնական խնդիրը լինելու է ստանձնած պարտավորությունները գործնականում իրականացնելն ու ավելի լավ վաղվա օրվա ստեղծումը»,- ասել է վարչապետը։