Իրակլի Կոբախիձե – Կոռուպցիայի դեմ պայքարի միջոցառումները ազգային անվտանգության անբաժանելի մասն են կազմում, հասարակությունը ամեն օր տեսնում է արդյունքները, ապագայում ևս անհաշտ կմնանք կոռուպցիոն հանցագործությունների հետ
Ահաբեկչության դեմ պայքարում նշանակալի քայլեր են ձեռնարկվել։ Կանխարգելիչ միջոցառումների արդյունքում մենք կանխել ենք մի շարք սպառնալիքներ,- ասել է Վրաստանի վարչապետ Իրակլի Կոբախիձեն Պետական անվտանգության ծառայության ստեղծման 11-ամյակին նվիրված միջոցառման ժամանակ իր ելույթում։
Իրակլի Կոբախիձեի խոսքով՝ կոռուպցիայի դեմ պայքարի միջոցառումները ազգային անվտանգության անբաժանելի մասն են կազմում։
«Մեր հասարակությունը ամեն օր տեսնում է այս ուղղությամբ ակտիվ աշխատանքի արդյունքները։ Մենք շարունակելու ենք անհաշտ լինել ցանկացած տեսակի կոռուպցիոն հանցագործության հետ, և բոլորը խստորեն պատասխանատու կլինեն օրենքի առջև։
Այս բոլոր նվաճումներում առանձնահատուկ է Պետական անվտանգության ծառայության աշխատակիցների դերը, որոնց պատշաճ գնահատումը Վրաստանի կառավարության հիմնական առաջնահերթություններից մեկն է։ Մենք զգալիորեն բարելավել ենք աշխատանքային պայմանները, բարձրացրել աշխատավարձերը և ամրապնդել սոցիալական ապահովագրության երաշխիքները աշխատանքում, որի մասին մենք կշարունակենք հոգ տանել նաև ապագայում։
Ցանկանում եմ շնորհակալություն հայտնել Պետական անվտանգության ծառայության ղեկավար պարոն Գեկա Գելաձեին, ծառայության ղեկավարությանը և յուրաքանչյուր աշխատակցի։ Ձեր հայրենասիրությունը, արժանապատվությունը և պրոֆեսիոնալիզմը ապահովում են մեր երեխաների անվտանգ ապագան։
Մեկ անգամ ևս շնորհավորում եմ ձեզ մասնագիտական օրվա կապակցությամբ և Վրաստանի կառավարության անունից հայտնում եմ իմ լիակատար աջակցությունը», – ասաց կառավարության ղեկավարը։