Մենք անհանգստացած ենք Ուկրաինայում տիրող իրավիճակով, որտեղ մեծացել է ներխուժման սպառնալիքը,- ասել է «Վրացական երազանք» կուսակցության նախագահ Իրակլի Կոբախիձեն։

Ինչպես նշել է Իրակլի Կոբախիձեն, ամեն ինչ կարվի Ուկրաինայում Վրաստանի յուրաքանչյուր քաղաքացու անվտանգությունը պաշտպանելու համար։

«Մենք ասացինք, որ միջազգային հանրության խնդիրը պետք է լինի Ուկրաինայում պատերազմ թույլ չտալը։ Ցավոք, միտումները լավը չեն, մենք դեռ հույս ենք վերապահում, որ պատերազմ չի սկսվի, թեև ռիսկերը բավականին մեծ են։

Ինչ վերաբերում է քաղաքացիների նկատմամբ մեր դիրքորոշմանը, ապա ամեն ինչ արվելու է յուրաքանչյուր քաղաքացու անվտանգությունն ապահովելու համար, ինչ միջոցներ էլ որ անհրաժեշտ լինեն դրա համար, մենք ձեռնարկելու ենք բոլոր միջոցները։ Այս փուլում արտաքին գործերի նախարարությունը հայտարարություն է տարածել սպասվող սպառնալիքների վերաբերյալ, մենք ամեն օր հետևելու ենք իրադարձություններին և այդ դիտարկումների հիման վրա միջոցներ ենք ձեռնարկելու մեր քաղաքացիների անվտանգությունը պաշտպանելու համար։

Մենք ունենք կոնկրետ սկզբունքներ, մեր հիմնական ցանկությունն ու խնդիրը պատերազմ թույլ չտալն է, և այստեղ պետք է մոբիլիզացվի միջազգային հանրությունը։ Մեզ համար ելակետը Ուկրաինայի ինքնիշխանությունն ու տարածքային ամբողջականությունն է, սրանք այն սկզբունքներն են, որոնցով մենք առաջնորդվելու ենք, մնացածը՝ կհետևենք իրադարձություններին և քայլ կանենք»,- ասել է Կոբախիձեն։