«Վրացական երազանք» կուսակցության նախագահ Իրակլի Կոբախիձեի խոսքով, ինքը հույս ունի, որ նոր դեսպանի օրոք Վրաստանի ու ԱՄՆ-ի գործընկերությունը կխորանա։

Նրա խոսքով, ամեն ինչ կարվի ԱՄՆ նոր դեսպանի հետ սերտ համագործակցության համար։

«Մենք մասնակցել ենք ԱՄՆ դեսպանի ընդունելությանը։ Զրույց ունեցանք, հանդիպում։ Մենք մեծ հույս ունենք, որ նոր դեսպանի օրոք Վրաստանի և ԱՄՆ-ի միջև գործընկերությունը լրջորեն կխորանա։ Մենք լավատեսության շատ ամուր հիմք ունենք և ակնկալում ենք սերտորեն համագործակցել նոր դեսպանի հետ։ Մենք չենք կարող խորանալ, բայց բոլոր հիմքերն ունենք լավատես լինելու համագործակցության հետագա խորացման հարցում, և վստահ եմ, որ դա տեղի կունենա։ Մենք ամեն ինչ կանենք նոր դեսպանի հետ սերտ համագործակցություն հաստատելու համար, որն անհրաժեշտ է Ամերիկայի Միացյալ Նահանգների հետ մեր սերտ գործընկերությունը խորացնելու համար»,- ասել է Իրակլի Կոբախիձեն։

Նշված հայտարարությունն Իրակլի Կոբախիձեն լրագրողների մոտ արել է «Շերատոն» հյուրանոցում, որտեղ ընդունելություն է անցկացնում Վրաստանում Ամերիկայի Միացյալ Նահանգների նոր դեսպանի համար։ Ներածական հանդիպմանը մասնակցում են տարբեր ոլորտների ներկայացուցիչներ։ «Շերատոն» հյուրանոցում են իշխանության, խորհրդարանական մեծամասնության և ընդդիմության, երրորդ հատվածի և կրոնական ուղղությունների ներկայացուցիչներ։ Հանդիպումը փակ է լրատվամիջոցների համար։