Բոլորը գիտեն, որ մենք թեկնածուի կարգավիճակին արժանի ենք եղել նաև անցյալ հունիսին, Եվրահանձնաժողովն ինքն է հաստատել դա, երբ գնահատել է միավորներով, հետևաբար, պարզ է, որ մենք թեկնածուի կարգավիճակի արժանի ենք եղել նաև անցած տարվա հունիսին,- ասաց «Վրացական երազանք»-ի նախագահ Իրակլի Կոբախիձեն:

Կոբախիձեի խոսքով, իշխող կուսակցությունը հստակ կատարում է 12 հանձնարարականները։

«12 կետերը կկատարվեն մինչեւ հունիսի վերջ։ Դեկտեմբերին մենք ամեն կերպ պատրաստ կլինենք թեկնածուի կարգավիճակ ստանալուն, սակայն քաղաքական որոշում կկայացվի դեկտեմբերին, իսկ երբ քաղաքական որոշում է կայացվում, շանսերը միշտ 50/50 են։ Ցավալի իրադարձությունն այն է, որ քաղաքական ենթատեքստն էապես չի փոխվել անցյալ տարվա հունիսից, ուստի ռիսկերը մնում են, սակայն մենք դեռ հույս ունենք, որ մեզ թեկնածուի կարգավիճակ կտրվի: Չեմ կարող սկսել ենթադրություններ անել, Եվրախորհուրդը պետք է որոշի, թե երկրին ինչ կարգավիճակ կտրվի: Ուստի պետք է սպասել դեկտեմբերյան որոշմանը։ Հույս ունենք, որ մեզ թեկնածուի կարգավիճակ կտրվի, այս դեպքում հուսով ենք, որ արդար որոշում կկայացվի՝ ի տարբերություն անցյալ տարվա որոշման», – ասել է Կոբախիձեն։