Ես հնարավորություն ունեցա ելույթ ունենալ Պահպանողական քաղաքական գործողությունների համաժողովում, որտեղ փոխանցեցի մեր երկրի համար կարևոր ուղերձներ,- Հունգարիայում վրացի լրագրողներին ասել է Վրաստանի վարչապետ Իրակլի Կոբախիձեն։

Վրաստանի կառավարության ղեկավարը շնորհակալություն է հայտնել Հունգարիայի վարչապետ Վիկտոր Օրբանին և հունգարական կողմին համաժողովը կազմակերպելու համար։

«Ես կցանկանայի շնորհակալություն հայտնել Վիկտոր Օրբանին, որը հիմնական հյուրընկալողն էր։ Մենք նաև հնարավորություն ունեցանք երկկողմ հանդիպում անցկացնել նրա հետ։ Այս ձևաչափով ես նաև հնարավորություն ունեցա զրուցել տարբեր երկրների տարբեր քաղաքական գործիչների, այդ թվում՝ կոնգրեսականների հետ՝ մեր երկրի դիրքորոշումներին վերաբերող հարցերի շուրջ։ Ընդհանուր առմամբ, դա հետաքրքիր այց էր, և ես շնորհակալություն եմ հայտնում հունգարական կողմին այս ամենը կազմակերպելու համար», – ասել է վարչապետը։