Հուսով եմ, որ մեզ կտրվի թեկնածուի կարգավիճակ և դրական որոշում կկայացվի Վրաստանի համար,- ասուլիսում ասաց «Վրացական երազանքի» նախագահ Իրակլի Կոբախիձեն։

Ըստ նրա՝ տեսականորեն, եթե թույլ տանք այնպիսի զարգացում, որ երկիրը չկարողանա թեկնածուի կարգավիճակ ստանալ, շատ դժվար կլինի դա բացատրել հանրությանը։

«Նախ լավատեսություն եմ հայտնում, հուսանք՝ դեկտեմբերին այլ որոշում կկայացվի։ Տեսականորեն, եթե թույլ տաք նման զարգացում, իհարկե, շատ դժվար կլինի դա բացատրել հանրությանը։ Անցյալ տարի հանրությունը շատ հիասթափված էր, և եթե նույնը լինի դեկտեմբեր ամսին, բնականաբար, հանրության հիասթափությունը կառաջացնի։ Իհարկե, մեզ անհրաժեշտ կլինի քննարկել բոլոր այն մանրամասները, որոնք կարող են կապված լինել նման հնարավոր որոշման հետ, կան քաղաքական ռիսկեր, մենք այսօր կխուսափենք այս քաղաքական ռիսկերի մասին խոսելուց։ Հետագայում, եթե բացասական որոշում կայացվի, պետք է հանրության հետ միասին քննարկենք բոլոր թեմաները։ Ես հույս եմ հայտնում, որ մեզ թեկնածուի կարգավիճակ կտրվի, և Վրաստանի համար դրական որոշում կկայացվի»,- ասել է Իրակլի Կոբախիձեն։