Այսօր մենք ունենք մոտ 60 տոկոս, հետևաբար, մեր երկրի չարագործները չեն կարողանա հաջողության հասնել այս ընտրություններում,- լրագրողներին ասել է Վրաստանի վարչապետ Իրակլի Կոբախիձեն։

Նրա խոսքով՝ պատժամիջոցների կիրառումը արտաքին միջամտություն է ընտրական գործընթացին։

«Ինչ-որ մեկը հույս ունի, որ պատժամիջոցներով ընդդիմության տոկոսները կավելանան, հետեւաբար՝ «Վրացական երազանք»-ի տոկոսը կնվազի։ Սա, ըստ էության, շահ է։ Կան որոշակի ուժեր, որոնք ունեն այս շահը։ Սրանք այն նույն ուժերն են, որոնք փորձել են պատերազմ սկսել Վրաստանում 2022 թվականին և հատկապես դրանից հետո, թեև ի վերջո այս բոլոր ջանքերը դատապարտված են ձախողման։ Ի վերջո, ընտրությունները կավարտվեն այնպես, ինչպես դա բխում է վրաց հասարակության, վրաց ժողովրդի շահերից. «Վրացական երազանքը» կհաղթի շատ հաստատակամ։ Մենք ուզում ենք վերցնել 60 տոկոսից ավելին ու այսօր ունենք մոտ 60 տոկոս։ Ըստ այդմ, բնականաբար, մեր երկրի չարագործ նման ուժերը հաջողություն չեն ունենա այս ընտրություններում»,- ասաց վարչապետը։