Մոտ երկու-երեք ժամից կտեսնենք, ընդդիմության արդյունքները կլինեն շատ դաժան, և, իհարկե, նրանք չեն ունենա արժանապատվություն՝ ճանաչելու ընտրությունների արդյունքները,- ասել է Վրաստանի վարչապետ, «Վրացական երազանքի» նախընտրական շտաբի ղեկավար Իրակլի Կոբախիձեն:

Ինչպես նշել է Կոբախիձեն, «Վրացական երազանքի» և միասնական հավաքական «Ազգային շարժման» միջև տարբերությունը չափազանց մեծ և մասշտաբային է լինելու։

«Ոչ մի կուսակցություն արժանապատվություն չունի, ոչ մի կուսակցության ղեկավար արժանապատվություն չունի։ Հետևաբար, նրանց համար շատ դժվար կլինի ընտելանալ ընտրություններում կրած պարտությանը։ Ես խոսում եմ շատ մասշտաբային պարտության մասին, միտումնավոր թվեր չեմ նշում, տարբերությունը չափազանց մեծ ու մասշտաբային է լինելու «Վրացական երազանքի» և միասնական հավաքական «Ազգային շարժման» միջև։ Նրանց համար դժվար կլինի հաշտվել այս պարտության հետ։ Նրանց արժանապատվության բացակայությունը թույլ չի տա դա անել, թեև իրենք չէ, որ պետք է որոշեն, թե իրականում ինչպես է ընթանալու գործընթացը։ Նրանք ընտրություններում հաղթելու ռեսուրս չունեն, հետևաբար՝ չունեն նաև փողոցի ռեսուրս։ Ընտրություններում և փողոցում հաղթելու համար անհրաժեշտ է նույն ռեսուրսը` ժողովրդի աջակցությունը։ Այսօր վրաց ժողովուրդը ընտրատեղամասեր էր եկել այնքան մոբիլիզացված հենց այն պատճառով, որ կտրականապես անընդունելի են այն անբարոյական դեմքերն ու ուժերը, որոնք այսօր ներկայացնում են արմատական ​​ընդդիմությունը։ Ըստ այդմ՝ նրանք ոչ ընտրություններում հաղթելու ռեսուրս ունեն, ոչ էլ փողոցի ռեսուրսներ»,- ասել է Կոբախիձեն։

Ինչ վերաբերում է այն հարցին, թե «Ընդդիմությունը հաղթանակ է տոնում արտասահմանյան տեղամասերում, որքանո՞վ են համոզիչ նրանց հայտարարությունները, ապա, ըստ Իրակլի Կոբախիձեի, արտասահմանյան տեղամասերում ընդհանուր պատկերն այդպիսին է, թեև ընդդիմությունը տոնելու բան չունի, քանի որ քիչ թվով ընտրողներից ելնելով, այս տեղամասերը թույլ չեն տալիս ընդհանրացումներ անել:

«Արևելյան կողմում ընդհանուր առմամբ չորս տարածք կա՝ Ավստրալիա, Ճապոնիա և այլն։ Ընդհանուր առմամբ կա չորս այդպիսի տեղամաս, որտեղ յուրաքանչյուրում մասնակցում է 40-50 ընտրող։ Գիտեք, որ արտասահմանյան ընտրատարածքներում ընդհանուր պատկերն այսպիսին է: Ընդդիմությունը տոնելու բան չունի, նախորդ դեպքում ընդհանուր առմամբ «Վրացական երազանքը» արտասահմանում 30 տոկոս ստացավ, թեպետ հիշում եք, որ «Վրացական երազանքը» համոզիչ հաղթանակ տարավ։ Իրականություն է, բայց տոնելու բան չունեն, եթե ինչ-որ տեղ հաղթում ես 20 ձայնով ու սկսում ես դա տոնել, դու քեզ ծիծաղելի վիճակի մեջ ես դնում։ Մի քանի ընտրատեղամաս է, ընդհանուր 200 ընտրող է մասնակցել, երկու ժամից կխոսենք, թե Վրաստանում քանի ընտրատեղամասում կպարտվեք։ Էական չէ, որտեղ ընդհանուր առմամբ 200 ընտրող է մասնակցել, 200 էլ չի եղել, ընդամենը հարյուր ընտրող է մասնակցել։ Հետևաբար, այս տեղամասերը թույլ չեն տալիս ընդհանրացումներ անել։ Դուք ընդհանուր առմամբ կպարտվեք ավելի քան 3 000 տեղամասում, դա կտեսնեք երկու ժամում»,- ասել է Իրակլի Կոբախիձեն։