Մենք դեսպաններին ներկայացրեցինք նախընտրական միջավայրի տեսլականը, ոչ մի խոսակցություն չկար Շառլ Միշելի կամ ձայնագրությունների հարցի մասին, – ասել է «Վրացական երազանքի» նախագահ Իրակլի Կոբախիձեն:

Նրա խոսքով, հանդիպումը վերաբերում էր միայն ընտրական հարցերին:

«Այսօր մենք հանդիպեցինք Եվրամիության եւ ԵՄ անդամ երկրների դեսպանների հետ: Սա հանդիպում է, որը տեղի է ունենում յուրաքանչյուր ընտրությունից առաջ, որտեղ կողմերը հնարավորություն ունեն դեսպաններին տեղեկացնել ընթացիկ ընտրական գործընթացի, նրանց տեսլականի մասին: Դեսպաններն այնուհետև հնարավորություն կունենան հարցեր ուղղել: Մեզ ի սկզբանե ասացին, որ հանդիպման մանրամասների մասին դրսում չխոսվեր: Ընդհանրապես, մենք նախընտրական գործընթացի վերաբերյալ դեսպանների հետ կիսվեցինք մեր տեսլականով և տեղեկատվություն հաղորդեցինք, հնչեց մի քանի հարց՝ մոտ երեք-չորս: Գործը վերաբերում էր ընտրական միջավայրին: Ինչ վերաբերում է ձայնագրությունների թեմային, ապա դրա մասին խոսք չեղավ: Խոսք չի եղել Շառլ Միշելի փաստաթղթի կամ ձայնագրությունների մասին, որոնք շպրտվել են մի քանի հեռուստաընկերությունների կողմից», – ասել է Կոբախիձեն: