Միխեիլ Սաակաշվիլիի գործն է՝ ում կուղարկի նամակ, ինչպես կուղարկի, չեմ կարդում, կարծում եմ՝ հետաքրքիր չէ,- լրագրողներին ասել է «Վրացական երազանքի» նախագահ Իրակլի Կոբախիձեն, ով արձագանքել է Վրաստանի նախկին նախագահ Միխեիլ Սաակաշվիլիի այսօրվա ուղերձին:

«Ես նամակը չեմ կարդացել, կարծում եմ՝ հետաքրքիր չէ, բայց չգիտեմ, իր գործն է՝ ում կուղարկի նամակը, ինչպես կուղարկի։ Ինչ վերաբերում է նրա տեսական համաներմանը, ապա նախագահը բազմիցս հայտնել է իր դիրքորոշումն այս առնչությամբ, և դա հայտնի է հանրությանը»,- ասել է Իրակլի Կոբախիձեն։

Վրաստանի նախկին նախագահ Միխեիլ Սաակաշվիլին բաց նամակով դիմել է նախագահ Սալոմե Զուրաբիշվիլիին՝ խնդրելով նախագահի աշխատակազմի պետական ​​պաշտպանության հատուկ ծառայության կողմից 2013 թվականին և դրանից հետո կատարած ծախսերը «գաղտնիքը» չեղարկել։