Իրակլի Կոբախիձե. Չինաստանի հետ համագործակցությունը չափազանց կարևոր է, որը կարող է շատ շոշափելի արդյունքներ բերել մեր երկրի և բնակչության համար
Մեր համագործակցությունը Չինաստանի հետ չափազանց կարևոր է տարբեր տեսակետներից, մեզ համար կարևոր է քաղաքական համագործակցությունը Չինաստանի հետ, կարևոր է տնտեսական համագործակցությունը, և այդ համագործակցությունը կարող է շատ կոնկրետ շոշափելի արդյունքների բերել մեր երկրի և մեր երկրի բնակչության համար»,- ասել է Իրակլի Կոբախիձեն։
Իրակլի Կոբախիձեի խոսքով, Չինաստան կատարած պաշտոնական այցի շրջանակներում հանդիպումներ են տեղի ունեցել իշխող կուսակցության միջազգային վարչության ղեկավար, նախարար Լյու Ցզինչաոյի, փոխնախարարի, ինչպես նաև հետազոտական կենտրոնի ղեկավարության հետ։
«Մենք հանդիպեցինք իշխող կուսակցության միջազգային բաժնի ղեկավար, նախարար Լյու Ցզինչաոյի, ինչպես նաև փոխնախարարի հետ, հանդիպում ունեցանք նաև Պետխորհրդին կից հետազոտական կենտրոնի ղեկավարության հետ։ Շատ հետաքրքիր է խոսել համագործակցության խորացման մասին։ Անցած տարին պատմական էր Չինաստանի և Վրաստանի միջև հարաբերությունների խորացման առումով։ Ստորագրվել է ռազմավարական գործընկերության համաձայնագիր, և մեր նպատակը, բնականաբար, այս համագործակցության համաձայնագրի պատշաճ իրականացումն ապահովելն է, և մեր այցը ծառայում է այս նպատակին։ Շատ ոլորտներ կան, որտեղ կարելի է հարաբերությունները խորացնել, իհարկե, կարևոր է քաղաքական ասպեկտը, կարևոր է խորացնել տնտեսական հարաբերությունները և սա պետք է ունենա շատ կոնկրետ շոշափելի արդյունքներ։ Մենք մեծ նշանակություն ենք տալիս Վրաստանի և Չինաստանի միջև հարաբերությունների զարգացմանը»,- ասել է Իրակլի Կոբախիձեն։
Չինաստանում է իշխող կուսակցության պատվիրակությունը՝ «Վրացական երազանքի» նախագահ Իրակլի Կոբախիձեի գլխավորությամբ։