Իրակլի Կոբախիձե. «Ազգային շարժումը» ընտրություններին երկու ճակատով մտնելու ծրագիր կա՝ երկրորդ կոալիցիա կմտնեն Խազարաձեն, Գախարիան, Զուրաբիշվիլին, Լոմջարիան, Մելիան, Գվարամիան, իմ կանխատեսմամբ՝ նույնիսկ շեմը չեն հաղթահարի
Պլանն այն է, որ այս ընտրություններում «Ազգային շարժումը» երկու ճակատով դուրս գա: Պետք է լինի «Ազգային շարժում» կուսակցություն, իսկ երկրորդը՝ նոր միավորում, որտեղ մեծ հավանականությամբ կմիանան Խազարաձեն, Գախարիան, Զուրաբիշվիլին, Լոմջարիան, Մելիան, Գվարամիան։ Թե որքանով կհաջողվի այս միավորումը, կարող եք դատել ինքներդ,- ասել է «Վրացական երազանք» կուսակցության նախագահ Իրակլի Կոբախիձեն։
Նրա խոսքով, «փաստն այն է, որ սա է պլանը, բայց որոշ մարդիկ որոշ բաներ սխալ են հաշվարկում»:
«Ծրագիր կա, ըստ որի, իրենց հաշվարկներով, ընդդիմությունից երկու սուբյեկտ պետք է հաղթահարեն 5 տոկոսի շեմը։ Դա պետք է լինի «Ազգային շարժում» և այս մարդկանց միավորումը։ Իհարկե, շատ դժվար է հասարակությանը վաճառել, որ Խազարաձեն, Գախարիան, Զուրաբիշվիլին, Լոմջարիան, Մելիան, Գվարամիան «Ազգային շարժում» չեն։ Այս նախագիծը ձախողվելու է ճիշտ այնպես, ինչպես ձախողվեց «Եվրոպական Վրաստան» նախագիծը, հետո՝ «Լելոն», հետո՝ Գախարիայի նախագիծի։ Նրանք չեն կարողանա հաղթահարել շեմը, սա իմ կանխատեսումն է»,- ասել է Կոբախիձեն։
