«Ազգային շարժման» և նրա հեռուստատեսությունների հետ կապ ունեցող կոնկրետ անձի ակնհայտորեն կասկածում են «զանգերի կենտրոնների» հետ կապված շատ լուրջ գործողությունների մեջ»,- ասել է «Վրացական երազանք» կուսակցության նախագահ Իրակլի Կոբախիձեն։

Նրա խոսքով՝ ամեն ինչ պարզ կդառնա քննությունից հետո։

«Ընդդիմության հայտարարությունները հակահարձակման փորձ են՝ պաշտպանվելու համար։ Դուք գիտեք, որ երբ ձեզ վրա հարձակվում են, պաշտպանվելու լավագույն միջոցներից մեկը հարձակվելն է, և նրանք ընտրել են այս մարտավարությունը, բայց նրանց այս մարտավարությունը չի հաջողվի մի պարզ պատճառով՝ ամեն ինչ պարզ կդառնա հետաքննությունից հետո։ «Ազգային շարժման» և նրա հեռուստատեսությունների հետ կապված կա մեկ կոնկրետ անձ, որն ակնհայտորեն կասկածվում է «զանգերի-կենտրոնների» հետ կապված շատ լուրջ գործողությունների մեջ։ Ում նկատի ունեմ, նրա ազգանունը սկսվում է «Կ»-ով։ Ես չասացի, թե ով է նա։ Ազգանունս նույնպես սկսվում է Կ-ով, չնայած «Ազգային շարժման» հետ կապված չեմ։ Այն մարդը, ում ազգանունը սկսվում է «Կ»-ով, կապված է «Ազգային շարժման» հետ»,- ասել է Իրակլի Կոբախիձեն։

Հիշեցնենք, որ վարչապետը հանդիպել է ֆինանսների նախարարին՝ զանգի կենտրոնների գործունեությունն ուսումնասիրելու նպատակով նրան հանձնարարվել է քննչական ծառայության մասնակցությամբ ստեղծել աշխատանքային խումբ։