Ոչ մի երկրի զարգացում չի կարող կայուն լինել, եթե այն հիմնված չէ ուժեղ կրթական համակարգի վրա, POSTV-ին տված հարցազրույցում ասել է Վրաստանի վարչապետ Իրակլի Կոբախիձեն։

Ինչպես նշել է կառավարության ղեկավարը, Վրաստանի կրթության ոլորտում 35 տարի շարունակ վատթարացող ամեն ինչ պետք է շտկվի։

«Սկզբում 90-ականներն էին, որոնք իրենց հետքը թողեցին բացարձակապես բոլոր ոլորտներում, մասնավորապես՝ կրթական համակարգում, ապա նախկին կառավարության ժամանակաշրջանը, երբ արդեն միտումնավոր, կառավարության կոնկրետ քայլերով կրթական համակարգում շատ բաներ կործանվեցին։ Վրաստանում գործում է 64 համալսարան, և այս վիճակագրական ցուցանիշն ինքնին խոսում է իր մասին։ Այսօր ընդդիմության կարգախոսն է՝ համալսարաններ ամենուրեք և բարձրագույն կրթություն՝ ոչ մի տեղ։ Նրանք ուզում են հեռանալ նման իրավիճակից։ Մենք սա չենք ուզում։ Կան շատ մեծ խնդիրներ ենթակառուցվածքների առումով, կան լուրջ խնդիրներ անձնակազմի առումով, կան լուրջ խնդիրներ դասավանդման բովանդակության առումով, կան լուրջ խնդիրներ դասագրքերի առումով։ Սա, իհարկե, պետք է փոխվի, և ևս մեկ անգամ՝ գլխավոր նպատակն այն է, որ վրացի երիտասարդությունը ստանա համապատասխան որակի բարձրագույն կրթություն համապատասխան միջավայրում», – ասաց Իրակլի Կոբախիձեն։