«Եկավ այն օրը, որին վրաց ֆուտբոլասերները սպասում էին 30 տարի, այսօր Եվրոպայի առաջնությունում կծածանվի վրացական դրոշը և առաջին անգամ կհնչի վրացական օրհներգը»,- հայտարարել է Վրաստանի վարչապետ Իրակլի Կոբախիձեն :

Կառավարության ղեկավարի խոսքով՝ ինքը հավատում է ազգային հավաքականի յուրաքանչյուր խաղացողի:

«Եկել է այն օրը, որին վրացի ֆուտբոլասերները սպասում էին 30 տարի։ Այսօր Եվրոպայի առաջնությունում առաջին անգամ կծածանվի Վրաստանի դրոշը և կհնչի Վրաստանի օրհներգը։ Աննկարագրելի է հպարտության զգացումը, որ մեզանից յուրաքանչյուրը կզգա այսօր։

Այսօր ես նույնքան հավատում եմ մեր տղաներին, որքան 3 ամիս առաջ՝ մարտի 26-ին։ Ես հավատում էի, որ տղաներն իրենց սիրտն ու հոգին կներդնեն խաղի մեջ ու Վրաստանին պատմական հաղթանակ կտան։

Այսօր էլ հավատում եմ, որ տղաները երեք խաղերում էլ սիրտ ու հոգի կդնեն ու անպայման դուրս կգան խմբից։

Ես հավատում եմ ազգային հավաքականի յուրաքանչյուր խաղացողի։ Մամարդաշվիլի, Լորիա, Գուգեշաշվիլի, Կաշիա, Կվերկվելիա, Գվելեսանի, Տաբիձե, Գոչոլեյշվիլի, Կակաբաձե, Լոչոշվիլի, Դվալի, Կիտեիշվիլի, Չակվետաձե, Մեկվաբիշվիլի, Սիգուա, Կոչորաշվիլի, Շենգելիա, Լոճովեյշվիլ, Տվիթունաիշվիլ ժանիձե, Միկուտաձե, Զիվզիվաձե, Կվիլիտայա, Կվարացխելյա – Ես հավատում եմ այս տղաների տաղանդին ու հայրենասիրությանը։ Ես հավատում եմ, որ Վրաստանը կհաղթի»,- ասել է վարչապետը։