Ինչպես գիտեք, անցյալ տարի խորհրդարանն օրենք է ընդունել երիտասարդներին վճարովի պրակտիկայի հնարավորություն տալու մասին։ Այս օրենքը պահանջում է արդյունավետ կիրարկում, և ես ցանկանում եմ ձեզ տեղեկացնել իմ որոշման մասին, որ օրենքի կիրարկումը կսկսվի փորձնական ռեժիմով արդեն այս տարի,- այս մասին կառավարության նիստում ասել է Վրաստանի վարչապետ Իրակլի Կոբախիձեն։

Վարչապետի խոսքով, այս տարի պետական ​​կառույցներում բուհերի երկու-երեք հազար շրջանավարտ պետք է ապահովվի քառամսյա վճարովի պրակտիկա։

«Բացի այդ, մունիցիպալիտետների և մասնավոր հատվածի հետ համագործակցության հիման վրա երիտասարդներին պետք է հնարավորություն տանք վճարովի պրակտիկա անցնել նաև մունիցիպալիտետներում և մասնավոր կառույցներում։ Խնդրում եմ կրթության նախարարին, ֆինանսների նախարարի հետ համաձայնեցնելով, ներկայացնել կառավարության հաջորդ նիստին մանրամասն ծրագիր, որի հիման վրա երիտասարդները, շրջանավարտները կանցնեն վճարովի պրակտիկա՝ թե՛ պետական ​​կառույցներում, թե՛ մունիցիպալիտետներում, ինչպես նաև համագործակցության հիման վրա՝ մասնավոր հատվածում»,- ասել է Իրակլի Կոբախիձեն։