«Նման սկզբունքային ընտրություններ երբեք չեն եղել, սա մի տեսակ հանրաքվե է պատերազմի և խաղաղության, քարոզչության և ավանդական արժեքների միջև»,- Բախմարոյում լրագրողներին ասել է Վրաստանի վարչապետ Իրակլի Կոբախիձեն։

Կառավարության ղեկավարի խոսքով՝ ընտրությունը հեշտ է անել՝ ընտրությունը պետք է կատարվի հօգուտ խաղաղության, բարոյականության և երկրի լուսավոր ապագայի։

«Մարզում ակտիվ աշխատանքներն արդեն սկսվել են։ Առաջիկա մի քանի օրվա ընթացքում Թբիլիսիում կառաջադրենք բոլոր ութ պատվիրակներին, և համապատասխանաբար Թբիլիսիում քարոզարշավն ամբողջությամբ կմեկնարկի։ Ամեն ինչ արվելու է, որ մեր մեսիջները հասցնենք հասարակությանը։ Բնականաբար, մենք դա արդեն անում ենք միշտ, բայց նախընտրական քարոզարշավը թույլ է տալիս ուղղակիորեն գնալ քաղաքացիների մոտ և խոսել մեր երկրի զարգացման հետ կապված խնդիրների մասին։ Այս ընտրությունները չափազանց սկզբունքային ընտրություններ են։ Նախորդ բոլոր ընտրությունները եղել են սկզբունքային, բայց դեռ կասեմ, որ այսքան սկզբունքային ընտրություն չի եղել։  Սա յուրատեսակ հանրաքվե է պատերազմի և խաղաղության միջև, հանրաքվե քարոզչության և ավանդական արժեքների միջև, և իրականում այստեղ ընտրությունը պարզ է. ընտրությունը պետք է կատարվի հօգուտ խաղաղության, բարոյականության և երկրի լուսավոր ապագայի», – ասել է վարչապետը: