Իրակլի Կոբախիձե. Ամեն անգամ, երբ խախտվում է օկուպացիայի մասին օրենքը, բնականաբար, մենք համապատասխան արձագանք ենք ունենում
Ամեն անգամ, երբ խախտվում է օկուպացիայի մասին օրենքը, բնականաբար, մենք համապատասխան արձագանք ենք ունենում,- լրագրողներին ասել է «Վրացական երազանքի» նախագահ Իրակլի Կոբախիձեն։
Իշխող կուսակցության նախագահին խնդրել են մեկնաբանել Ռուսաստանի էկոնոմիկայի նախարարի՝ օկուպացված Աբխազիա ժամանելը։ Նա հանդիպել է այսպես կոչված նախագահ Ասլան Բժանիայի հետ։
«Ամեն անգամ, երբ խախտվում է օկուպացիայի մասին օրենքը, երբ կատարվում են այնպիսի գործողություններ, որոնք հակասում են մեր պետական շահերին, միջազգային իրավունքի սկզբունքներին, բնականաբար ունենում ենք համապատասխան արձագանք։ Սրա համար էապես պատասխանատու է արտաքին գործերի նախարարությունը, և այս դեպքում վստահ եմ, որ համապատասխան արձագանք կլինի»,- ասել է Կոբախիձեն։