Որոնողական աշխատանքները շարունակվում են, պատկերը ծանր է, աշխատանքներում ներգրավված են բոլոր գերատեսչությունները, ակտիվորեն աշխատում է ենթակառուցվածքների նախարարությունը, մոբիլիզացված է 80 միավոր ծանր տեխնիկա և շատ ինտենսիվ աշխատանքներ են իրականացվում։ «Վրացական երազանք», ասված է հաղորդման մեջ։

Կոբախիձեի խոսքով՝ այս փուլում հայտնաբերվել է 18 մարդու դի, և որոնողական աշխատանքները շարունակվում են։

«Ինչ վերաբերում է գնահատականներին, վերլուծություններին, ավելի լավ է մասնագետները խոսեն դրա մասին։ Մենք տարբեր տեղեկություններ ունենք ամեն ինչի մասին, բայց ավելի լավ է այդ ամենի մասին խոսեն մասնագետները, փորձագետները։ Հայտնաբերվել է 18 մարդու դի։ Ինչ վերաբերում է նույնականացմանը, մի քանի հոգու ինքնությունը դեռ պարզված չէ, հնարավոր է, որ անհրաժեշտ լինի, կախված վնասվածքներից, ԴՆԹ-ի անալիզ անցկացնել, որը որոշ ժամանակ կպահանջի։ Ինչ վերաբերում է ջրի մակարդակին, որի մասին շատ էին շահարկումները, իբր նախորդ օրերին բարձրացել էր, հետո ասվում էր, որ ընդհանրապես չի գալիս, հասցվել է նվազագույնի, այս ամենը պարզվեց. շահարկումներ. Ջրի մակարդակը չափում են ջրաչափերով, և ոչ նախորդ օրը, ոչ այդ օրը, բացառությամբ աղետի պահերի, ջրի մակարդակի ոչ բարձրացում, ոչ անկում չի գրանցվել։ Մնացածը կասեն իրավասու անձինք»,- ասել է Կոբախիձեն։

Շովում օգոստոսի 3-ին սողանք է տեղի ունեցել. Այս պահին առկա տվյալներով զոհվել է 18 մարդ, աղետի գոտում որոնվում է 17 մարդ։

Վրաստանում օգոստոսի 7-ը հայտարարվել է սգո օր։