Վրաստանի օդանավակայանների միության տնօրեն Իրակլի Քարքաշաձեն կոչ է անում ճանապարհորդներին գրանցվել Քութաիսիի օդանավակայան ժամանակին կամ ավելի վաղ:

Նրա պարզաբանմամբ՝ եղանակային վատ պայմանների պատճառով ճանապարհներին ուշացումների պատճառով Քութաիսիի օդանավակայանի պաշտոնական փոխադրող ավտոբուսներին զգուշացվել է Թբիլիսիից դուրս գալ նախատեսվածից շուտ։

«Քութաիսի-Բեռլին չվերթում 87 ուղևոր ներկայացել է ուշացումով, երբ արդեն ավարտվել էր Բեռլինի չվերթի գրանցումը և սկսվում էր 98 ուղևորի նստեցման գործընթանը։ Գիտեք, որ արևմուտքում առատ ձյուն և սառնամանիք է։ Քութաիսիի օդանավակայանի պաշտոնական տրանսպորտային ավտոբուսներին զգուշացրել ենք, որ ճանապարհներին ուշացումների պատճառով նրանք Թբիլիսիից դուրս գան նախատեսվածից շուտ։ Ավիաընկերության հետ բանակցությունների արդյունքում մենք հասանք նրան, որ «Վիզեարը» համաձայնեց հավելյալ գումարի դեպքում փոխել այս 87 ուղեւորների տոմսերը ցանկացած ուղղությամբ։ Խոսքը մոտ 300 լարիի մասին է։ Եվս մեկ անգամ խրախուսում ենք ուղևորներին օդանավակայան ժամանել ժամանակին կամ վաղ՝ գրանցման համար: Այս փուլում 85 ուղեւոր արդեն փոխել է իր տոմսը ցանկալի ուղղությամբ»,- ասել է Քարքաշաձեն։