Երկրում խաղաղություն է հաստատվել, և այս ամբողջ ընթացքում երկրում ոչինչ չի եղել, որը կվտանգի կայունությունը և նրա տարածքային ամբողջականությունը, միևնույն ժամանակ մարդիկ ազատվել են ճնշումներից, որոնք եղել են այդ ռեժիմի ներքո. Այս մասին ասել է «Վրացական երազանք»-ի անդամ Իրակլի Քադագիշվիլին։

Նրա խոսքով, «Վրացական երազանքը» շարունակում է շարժվել դեպի հաջողություն:

«Այսօր բիզնեսն անձեռնմխելի է, և բոլոր գործարարներն ազատ են իրենց գործողություններում, այդ թվում՝ նրանք կարող են ակտիվորեն մասնակցել քաղաքականությանը։ Հիշու՞մ եք, որ այն ժամանակ ոչ միայն գործարարը, այլ ցանկացած մարդ մեծ հարվածի տակ էր, եթե որոշեր մտնել քաղաքականություն։ Լրատվական տարածքը բազմազան է, ընդդիմադիր լրատվամիջոցները հավասարապես ներկայացված են մեր լրատվական տարածքում։ Մենք տեսնում ենք, որ հիմնովին փոխվել են իրավապահ մարմինները, դատարանը, բանտերում իրավիճակ է փոխվել, բանտերում մարդկանց թիվը էապես նվազել է, իսկ բանտը ինքնին այլ պայմաններ ունի մեր քաղաքացիների համար։ Սա իսկապես նրանց սոցիալական վերականգնման հիմքն է: Այս խաղաղ ժամանակաշրջանում երկիրը կայուն զարգացման հնարավորություն ստացավ, ինչն արտացոլվեց տնտեսության և սոցիալական ծրագրերի մեջ՝ սկսած համընդհանուր առողջապահությունից, վերջացրած նրանով, որ արդեն տարեցտարի ինքնաբերաբար տեղի է ունենում թոշակների և աշխատավարձերի բարձրացում։ Մեր երկիրը շարունակում է շարժվել դեպի Եվրոպա, և այս ընթացքում բոլոր հաջողությունները՝ սկսած Եվրոպական ասոցիացիայից, առանց վիզայի ռեժիմից, համընդհանուր առևտրի համաձայնագրից, այս կառավարության ձեռքբերումներն են։ Մենք կտեսնենք, որ այս տարվա վերջին, հուսանք, մեզ կտրվի ԵՄ թեկնածուի կարգավիճակ։ Սակայն, իհարկե, մարտահրավերները մնում են, և մենք այդ մարտահրավերներին միշտ նայում ենք բաց և հստակ։ Աղքատությունը մնում է հիմնական մարտահրավերներից մեկը, և այն տնտեսական աճը, որն ակնհայտորեն Վրաստանն ունի արդեն երրորդ տարին, ի վերջո, ուղղված կլինի այս երկրում աղքատության հաղթահարմանը», – ասել է Քադագիշվիլին։