Սալոմե Զուրաբիշվիլին հերթական անգամ փորձում է ինչ-որ հակասություններ մտցնել, վրաց օլիմպիականների հաջողությունները, վրացական սպորտը դարձնել ինչ-որ քաղաքական քննարկման առարկա և ստվեր գցել դրա վրա,- այս մասին հայտարարել է «Վրացական երազանք»-ի անդամ Իրակլի Քադագիշվիլին։

Նրա պարզաբանմամբ, այսօրվա միջոցառման նպատակը մրցանակաբաշխություն անելն ու պարգեւատրվածներին շքանշաններ հանձնելը չէ։

«Այսօրվա միջոցառումը նախատեսում է մեր օլիմպիականների հանդիպումը, նրանց հանդիսավոր ընդունելությունը, հաջողության տոնակատարությունը։ Ինչ վերաբերում է ուղղակի շնորհման կարգին, մրցանակի փոխանցման կարգին, սա այլ խնդիր է։ Ուստի Սալոմե Զուրաբիշվիլին ևս մեկ անգամ փորձում է որոշակի հակասություններ մտցնել այն մասին, որ ինչ-որ կերպ վրաց օլիմպիականների ձեռք բերած այս հաջողությունը, ընդհանրապես վրացական սպորտը պետք է ինչ-որ քաղաքական քննարկման առարկա դառնա և մի տեսակ ստվեր գցի դրա վրա»,- ասել է Իրակլի Քադագիշվիլին։

Նրա խոսքով, մարզիկների հետ այսօրվա հանդիպումը նրանց հաղթանակներն ու ձեռքբերումները հանրության հետ կիսելու համար է։

«Պարգևատրումը և մրցանակաբաշխությունը տարբեր հարցեր են»,- ասել է Իրակլի Քադագիշվիլին։

Վրաստանի նախագահ Սալոմե Զուրաբիշվիլին արձագանքել է վրացի օլիմպիականների հետ կապված այսօրվա միջոցառմանը։ Ըստ նրա՝ օլիմպիականներին այդքան արագ չի կարելի պարգեւատրել, քանի որ օլիմպիականների հաջողությունները պետք է միասին նշել, իսկ ինքը պատրաստվում է հանրային տոնախմբություն կազմակերպել։ Միաժամանակ, Սալոմե Զուրաբիշվիլիի խոսքով, մեկնարկում է Պարալիմպիական խաղերը, որոնք տևում են մինչև սեպտեմբերի 8-ը, հետևաբար բոլորին միասին կդիմավորեն։