Մենք հասնում ենք համաճարակի գագաթնակետին, ոչ ոք չի կարող հստակ ասել, թե երբ և ինչպես կզարգանան իրադարձությունները », – ասել է Կախեթիի նահանգապետ Իրակլի Քադագիշվիլին` գնահատելով շրջանում իրավիճակը:

Ինչպես նշել է Իրակլի Քադագիշվիլին, չնայած որ այս փուլում Կախեթին պաշտպանված է և համարվում է մաքուր շրջան, այնուամենայնիվ կորոնավիրուսի տարածման վտանգ կա:

«Մենք իրավունք չունենք հանդարտվելու, քանի որ ցանկացած պահի կարող է պայթյուն լինի: Հետևաբար մենք կշարունակենք վերահսկողությունը: Այս ուղղությամբ ձեռնարկվել են մի շարք միջոցառումներ, ներառյալ՝ շուկաները, ամենամեծ հավաքույթների վայրերը գտնվում են վերահսկողության տակ», – ասաց Քադագիշվիլին:

Քադագիշվիլին նաև շեշտեց սեզոնային մշակաբույսերի սպառումը և բացատրել, որ ֆերմերներն ու գյուղացիները չպետք է մնան առանց վաճառքի, և այդ գործընթացը պետք է համաձայնեցվի համապատասխան ծառայությունների հետ:

«Բոլորը պարտավոր են համակարգել իրենց գործունեությունը մունիցիպալիտետի, Գյուղնախարարության համապատասխան գերատեսչությունների հետ, որպեսզի չկորցնենք վերահսկողությունը ստեղծված իրավիճակի վրա: Հետևաբար, ես խնդրում եմ բոլորին հետևել այս կանոններին», – ասաց Կախեթիի նահանգապետը:

Իրակլի Քադագիշվիլին բնակչությանը խորհուրդ է տալիս զերծ մնալ Զատիկին գերեզմաններ գնալուց:

«Սա կլինի կորոնավիրուսի տարածման ամենամեծ վտանգներից մեկը: Հետևաբար, ես կոչ եմ անում զերծ մնալ, այսօրվա դրությամբ, այս ավանդույթից, որպեսզի ապագայում մենք վերադառնանք կյանքի նորմալ ռիթմի», – ասաց Կախեթիի նահանգապետը: