Առավել անբարոյական է, երբ ճնշում ես հասարակությանը, լարում իրավիճակը, բանտարկյալի վիճակը օգտագործում ես հեղափոխական իրավիճակի համար,- ասել է խորհրդարանական ընթացակարգային կոմիտեի նախագահ Իրակլի Քադագիշվիլին։

Նրա խոսքով, մենք հոգում ենք, որ ընդդիմության ապակառուցողական նպատակն իրականություն չդառնա:

«Բոլոր բանտարկյալները, այդ թվում՝ Միխեիլ Սահակաշվիլին, պետք է և կունենան արդար դատաքննության իրավունք։ Երբ խոսում ենք բանտարկյալի իրավունքի սահմանափակման մասին, մտածում եմ՝ սահմանափակվե՞լ են բանտարկյալի իրավունքներն ու արժանապատվությունը, ինչպես նաև 35 օր շարունակ ասում էին, որ մարդն ամեն օր մահանում էր և հացադուլը մահացու էր, որը նա իրականացնում էր։ 35 օր անց ՔԿՀ-ն ստիպված եղավ հանրությանը ցույց տալ՝ փառք Աստծո, մարդը չի մահանում, ունի հատուկ սննդակարգ, որն ապահովում է իր առողջությունը և մահացու դեպքի մասին խոսք չկա։ Նրա առողջությանը մշտապես հսկում էր կոնսիլիումը։

Առավել անբարոյական է, երբ ճնշում ես հասարակությանը, լարում իրավիճակը, բանտարկյալի վիճակը օգտագործում ես հեղափոխական իրավիճակի համար։ Այո՛, մենք մտավախություն ունենք, որ ընդդիմության անխոհեմ գործողությունները ավելի ծանր հետեւանքներ չբերեն բանտարկյալի եւ հասարակության անվտանգության համար։ Սանձազերծված քարոզարշավը, որն իրականացնում են ընդդիմությունն ու նրա գաղափարական մեքենաները խորհրդարանական ընտրություններից հետո, և նրանց նպատակը երկիրը սահմանադրական օրակարգից զերծ պահելն է, մենք դա կանխում ենք։ Մենք չենք վախենում, մենք հոգ ենք տանում, որ ընդդիմության ապակառուցողական նպատակն իրականություն չդառնա»,- հայտարարել է Քադագիշվիլին: