Իրակլի Ղարիբաշվիլին Երրորդության տաճարում մասնակցել է Սուրբ Ծննդյան պատարագին
Վրաստանի վարչապետ Իրակլի Ղարիբաշվիլին տիկնոջ՝ Նունուկա Թամազաշվիլիի հետ Երրորդության տաճարում մասնակցել է Սուրբ Ծննդյան պատարագին։ Տեղեկությունը տարածում է կառավարության աշխատակազմի մամուլի ծառայությունը։
«Սուրբ Ծննդյան պատարագին մասնակցել են նաև խորհրդարանի նախագահ Շալվա Պապուաշվիլին, «Վրացական երազանքի» նախագահ Իրակլի Կոբախիձեն, գործադիր և օրենսդիր իշխանությունների ներկայացուցիչներ։
Հանդիսավոր արարողությունը քահանաների հետ կատարեց Պատրիարքական փոխանորդ, Սենակի և Չխորոծղուի միտրոպոլիտ Շիո Մուջիրը։
Երրորդության տաճարում հավաքված ծխականներին ներկայացվել է պատրիարքի Սուրբ Ծննդյան ուղերձը»,- ասվում է կառավարության մամուլի ծառայության հաղորդագրության մեջ։