Իրակլի Ղարիբաշվիլին շնորհավորում է Ադրբեջանի կառավարությանը և Ադրբեջանի ժողովրդին Վրաստանի և Ադրբեջանի միջև դիվանագիտական հարաբերությունների հաստատման 30-ամյակի կապակցությամբ
Վրաստանի վարչապետ Իրակլի Ղարիբաշվիլին շնորհավորել է Ադրբեջանի նախագահ Իլհամ Ալիևին, կառավարությանն ու ժողովրդին Վրաստանի և Ադրբեջանի միջև դիվանագիտական հարաբերությունների հաստատման 30-ամյակի կապակցությամբ։
Ինչպես նշում է Իրակլի Ղարիբաշվիլին, Վրաստանը հպարտ է Ադրբեջանի հետ սերտ բարեկամությամբ և ռազմավարական գործընկերությամբ։
«Շնորհավորում եմ Ադրբեջանի կառավարությանը և Ադրբեջանի ժողովրդին դիվանագիտական հարաբերությունների հաստատման 30-ամյակի կապակցությամբ։ Մենք միասին շատ բանի ենք հասել: Վրաստանը հպարտ է Ադրբեջանի հետ սերտ բարեկամությամբ և ռազմավարական գործընկերությամբ: Մենք անհամբեր սպասում ենք տարածաշրջանային համագործակցության շարունակությանը հանուն խաղաղության և բարգավաճման»,- գրել է Ղարիբաշվիլին «Թվիթեր» սոցիալական ցանցում։