Իրակլի Ղարիբաշվիլին Պրահայում մասնակցում է Եվրոպական քաղաքական միության առաջին գագաթնաժողովին
Վարչապետ Իրակլի Ղարիբաշվիլին Չեխիայի մայրաքաղաք Պրահայում է, որտեղ մասնակցում է Եվրոպական միության նախաձեռնած Եվրոպական քաղաքական միության առաջին գագաթնաժողովին։
Իրակլի Ղարիբաշվիլին մասնակցել է Եվրոպական քաղաքական միության (EPC) առաջին լիագումար նիստի բացմանը։
Գագաթնաժողովի լիագումար նիստը բացեց ԵՄ նախագահ Չեխիայի վարչապետ Պետր Ֆիալան, ով դիմելով Եվրոպական քաղաքական միության մասնակից պետությունների ղեկավարներին՝ խոսեց խաղաղության և կայունության ապահովմանն ուղղված ջանքերի միավորման մասին։ Մյուս կողմից, զրույցի ընթացքում անդրադարձ է կատարվել այն գործընթացներին, թե ինչպես շարունակել եվրոպական ընտանիքի կառուցումը և այն երկրների ինտեգրումը, որոնք ասոցացվում են եվրոպական ընտանիքի հետ։
Հոկտեմբերի 6-7-ը Չեխիայի մայրաքաղաք Պրահայում ընթանում է Եվրամիության նախաձեռնած Եվրոպական քաղաքական միության առաջին գագաթնաժողովը։ Գագաթնաժողովին կմասնակցեն ԵՄ 27 անդամ և 17 գործընկեր պետությունների ղեկավարներ։
Վրաստանի պատվիրակության կազմում են արտաքին գործերի նախարար Իլիա Դարչիաշվիլին և կառավարության վարչակազմի ղեկավար Ռևազ Ջավելիձեն։
Բացման միջոցառումից հետո Եվրոպական քաղաքական միության հանդիպմանը մասնակցող պատվիրակությունների ղեկավարները համատեղ լուսանկարվել են։
Տեղեկությունը տարածում է Վրաստանի վարչապետի մամուլի գրասենյակը։