Վրաստանի վարչապետ Իրակլի Ղարիբաշվիլին պատվիրակության հետ միասին մասնակցել է Կայուն զարգացման նպատակների գագաթնաժողովի բացմանը, որը չորս տարին մեկ անցկացվում է պետությունների և կառավարությունների ղեկավարների մակարդակով ՄԱԿ-ի Գլխավոր ասամբլեայի հովանու ներքո։

Տեղեկությունը տարածում է Վրաստանի կառավարությունը։

Գագաթնաժողովը բացել են ՄԱԿ-ի Գլխավոր ասամբլեայի նախագահ Դենիս Ֆրենսիսը և ՄԱԿ-ի գլխավոր քարտուղար Անտոնիո Գուտիերեշը։

«Կայուն զարգացման նպատակների գագաթնաժողովն անցկացվում է երկրորդ անգամ՝ 2030 թվականի օրակարգի ընդունումից հետո։ Առաջին գագաթնաժողովը կայացել է 2019 թվականին։ Այս տարվա գագաթնաժողովը կրում է 2030 թվականի Կայուն զարգացման օրակարգի միջնաժամկետ գնահատման բեռը: Գագաթնաժողովի նպատակն է կատարել Կայուն զարգացման նպատակների առաջընթացի միջնաժամկետ գնահատում՝ բազմակողմ և փոխկապակցված ճգնաժամի պատճառով աշխարհի առջեւ ծառացած մարտահրավերների լույսի ներքո և նպաստել 2030 թվականի օրակարգի արագացված իրականացմանը։ Գագաթնաժողովի ավարտին մասնակիցները կստանան քաղաքական հռչակագիր։

Գագաթնաժողովի շրջանակներում ելույթ կունենա Վրաստանի վարչապետ Իրակլի Ղարիբաշվիլին այլ ղեկավարների հետ։ Երկխոսության թեման է՝ «Կայուն զարգացման նպատակներին հասնելու համար ինտեգրված քաղաքականության և հանրային ինստիտուտների ամրապնդում»։ Վարչապետը սեպտեմբերի 22-ին ՄԱԿ-ի Գլխավոր բանավեճում կդիմի համաշխարհային առաջնորդներին»,- նշված է Վրաստանի կառավարության հաղորդագրության մեջ։