Վրաստանի վարչապետ Իրակլի Ղարիբաշվիլին հրաժեշտի հանդիպում է ունեցել Վրաստանում Սլովակիայի Հանրապետության արտակարգ և լիազոր դեսպան Պավել Վիզդալի հետ։

Վրաստանի կառավարության տեղեկատվության համաձայն՝ հանդիպմանը քննարկվել է այն կարևոր առաջընթացը, որ Վրաստանն ու Սլովակիան ունեն երկկողմ հարաբերություններում, այդ թվում՝ քաղաքական, տնտեսական և մշակութային ուղղությամբ։

«Զրույցի ընթացքում քննարկվել են երկրին աջակցող կարևոր ծրագրեր, ինչպես նաև ընդգծվել է առողջապահության ոլորտին Սլովակիայի աջակցության կարևորությունը։ Կառավարության վարչակազմում կայացած հանդիպմանը Սլովակիայի Հանրապետության դեսպանը վարչապետին հաստատել է իր հաստատակամ աջակցությունը Վրաստանի ԵՄ անդամակցությանը։ Իրակլի Ղարիբաշվիլին շնորհակալություն է հայտնել Սլովակիայի Հանրապետության դեսպանին երկու երկրների միջև առկա ռազմավարական գործընկերության հետագա խորացման համար և հաջողություն մաղթել հետագա գործունեության մեջ»,- ասված է Վրաստանի կառավարության տեղեկատվության մեջ։