Երկու տարի առաջ սոցիալապես անապահով երեխաներին օգնությունը կազմում էր 50 լարի, 2023 թվականի հուլիսի 1-ից օգնությունը կկազմի 200 լարի,- այսօր կառավարության նիստում ասել է Վրաստանի վարչապետ Իրակլի Ղարիբաշվիլին։

Վարչապետի խոսքով՝ սոցիալապես անապահով երեխաներին օգնելու համար կծախսվի 65 մլն լարի։

«Կցանկանայի առանձնացնել մի քանի հետաքրքիր կողմ. Սոցիալական ուղղությամբ հաջորդ տարի նախատեսել ենք սոցվճարների ավելացում, բոլոր ուղղություններով ունեինք, դա կլինի թոշակները, հաշմանդամների օգնությունը և այլն։ Սրան ավելացրինք սոցիալապես անապահով երեխաների աջակցության աճը, որը բյուջեի նախորդ տարբերակում նշված չէր։ Ինչպես գիտեք, մոտ երկու տարի առաջ յուրաքանչյուր երեխայի աջակցությունը կազմում էր 50 լարի։ Մեկ երեխայի համար 200 լարի ենք տալու, ինչը կարեւոր է, եւ սրա վրա կծախսվի 65 մլն լարի»,- ասել է վարչապետը։